ఫిలింనగర్ కల్చరల్ క్లబ్ (FNCC) ఎన్నికల ఫలితాలు వెలువడగా, సెక్రటరీ పదవికి ముళ్లపూడి మోహన్ 1,013 ఓట్లతో రెండోసారి ఎన్నికయ్యారు. ఈ ఎన్నికల్లో ఇదే అత్యధిక ఓట్ల మెజారిటీ కావడం విశేషం.
పూర్తి ఫలితాలు
FNCC ఎన్నికల ఫలితాలు
ఇన్ఫోగ్రాఫిక్: Deccan Bhoomi
రెండో టర్మ్, గత అనుభవం తోడు
సెక్రటరీగా ముళ్లపూడి మోహన్‌కు ఇది రెండో టర్మ్. గతంలో ఆయన FNCC వైస్ ప్రెసిడెంట్‌గా, తెలంగాణ టీటీడీ లోకల్ అడ్వైజరీ కమిటీ సభ్యునిగా ఎంపికయ్యారు. గత టర్మ్‌లో స్పోర్ట్స్, కల్చరల్ కార్యక్రమాలను అద్భుతంగా నిర్వహించడం ద్వారా సౌత్ ఇండియాలో FNCC ఉన్నత స్థాయిలో నిలవడానికి తోడ్పడినట్లు ఆయన మద్దతుదారులు చెబుతున్నారు. ఇప్పుడు మళ్లీ ఎన్నిక కావడంతో, ఆయన అనుభవం FNCC గుర్తింపును దేశవ్యాప్తంగా విస్తరించేందుకు ఉపయోగపడుతుందని వారు అభిప్రాయపడుతున్నారు.
ప్యానెల్ విజయంలో ఒక ప్రత్యేకత
కె.ఎస్. రామారావు ప్యానెల్ మెజారిటీ స్థానాల్లో విజయం సాధించినప్పటికీ, మిగతా పదవులకు పోటీ చేసిన ప్యానెల్ అభ్యర్థుల్లో గెలిచింది ముళ్లపూడి మోహన్ ఒక్కరే కావడం క్లబ్ సభ్యుల మధ్య చర్చనీయాంశమైంది. ఈ ఫలితాలతో ఫిలింనగర్ కల్చరల్ క్లబ్‌కు కొత్త కార్యవర్గం ఏర్పడింది.
